Grängierstuba

chlei aber ohalätz

Appa 40 Sitzpätz im Reschtorant, en chleinni "Launsch" und 20 Sitzplätz uf dm Dorfplatz: Das ischt ds Platzagibot in dr Grängierstuba.

Ds "Bistro" bieetet Platz ver 16 Lit. Da träffend schich Imheimischi zum Fiirabepieer, di Hüsfröiwä und Hüsmänner chommend zummene Kaffe, Chrampferinnä und Chrampfer leschend dr Durscht und Üswärtigi versüöchend z verstaa, was die Lit da so tschuttlent.

Restaurant Grängjerstuba Grengiols Walliser Spezialitäten Aletsch Goms Bar und Bistro
Restaurant Grängjerstuba Grengiols Walliser Spezialitäten Aletsch Goms Bar und Bistro 2

Im "Saal" gits, je nachdem wieeme tischet, Platz ver bis zu 30 Personä. Hiee sitzt me gmieetli bimene Raclette oder Fondue zämme, gnieest es feins Menü bim Familifäscht, laat dr Üsflug mit de Kollege bim Apero so lang wiee meggli la düüre und wählt bi dr Vereins-GV ds niw Komitee - wes de eis git.

Restaurant Grängjerstuba Grengiols Walliser Spezialitäten Aletsch Goms event lokal quer
Restaurant Grängjerstuba Grengiols Walliser Spezialitäten Aletsch Goms Kindergeburtstag

Ooni Säich, di Grängierstuba het di wäächschtisch Terrass! Will dr Dorfplatz va Grängelsch steit im Inventar va de schützenswärte Dorfbilder va dr Schwiz. Va Mai bis Oktober chamme da gmjeetli im Schatte sitze, dm Dorftrog züölose und natiirli öi appis Grächtsch triiche und ässe.

restaurant graengierstuba sommer
20210430_144322
20210430_144357

Müösch di, abgsee va de billigere Priise, nid gros umgwenne, wennd us dr Stadt uf Grängelsch chunsch. Will in dr Grängierstuba chasch di öi gmieetli-herrschaftli in di "Launsch" setze. Di Mebel heiwer dr Grossmüöter us dr Stuba gnu. Aber wehe, wennd ds Pieer oder dr Roote über die Polschter kippsch. De isch seckle agseits... Schnäll!

Restaurant Grängjerstuba Grengiols Walliser Spezialitäten Aletsch Goms Lounge Ecke

© 2021 Grängierstuba

Theme by Anders Norén