Grängierstuba

wieer sii fascht queeristiiger

Sophie und Waldemar beim erst August Brunch

Immene so chleinne Betrib brüüchts genau zwei Schörtä Lit: Die wa machent und di wa tieent. Numme we alli am gliiche Stronte in die gliich Richtig zieent, chamme en chleinni Dorfbeiz erfolgrich fieere.

Nei, grad totali Queeristiiger siwer nid. Ds Sophie isch als gleerti Hoteliere Patäntinhaberi und di Chefin. Schi het mit Bärghotel und Bärghitta scho di eint oder anner wärtvoll Erfarig im Gaschtro-Business chenne mache. Dr Umgang mit Chunde het schi in de letschte sibe Jahr bi dr SBB in Brig perfektionieert. Aber jetzt is Zit, öi wider dr waare Liideschaft im Läbe Platz z laa: dm Bewirte und Begaschtfröinde va Lit va dr dirüf, dr dirab und dr diri uberall.

Dr Waldemar het schiini Gaschtrohoore öi in Bärgbetribe (Hittewart Bortelhitta) abgstoosse und chochet liideschaftlich gääre. Aber eigentli isch är eener dr gebore Tschuttler und het langi Jaar als Schurnalischt im In- und Üsland gschaffet. Näbs dm Job als "Mädchen für alles" in dr Grängierstuba betribt är es Büro ver Kommunikation und reportieert nu Tschuttmätsch ver ds Radio.

Und sellti in dr Beiz nu so jungi Purschte ummaseckle, de chenntent das durchüs inschi zwei Botscha sii, wa de Alte im Säich em bitz unner die Arma griifend.

EFFNIGSZITTÄ

Samschtag: 10.00 bis 22.00
Sunntag: züö, üsser im Braachet/Heiwwet/Öigschte va 10.00 - 17.00
Mäntag: züö
Ziischtag: 9:00 - 14:00 und 16:00 - 20:00
Mittwuch: 9:00 - 14:00 und 16:00 - 20:00
Frontag: 9:00 - 14:00 und 16:00 - 20:00
Fritag: 9:00 - 14:00 und 16:00 - 22:00

Für Gruppä und fer Znachtässe uf Amäldig lääwer natiirli öi d Wucha durch lenger offe.

Tel. +41 27 927 11 05

gast@restaurant-grengiols.ch

© 2021 Grängierstuba

Theme by Anders Norén